Blog

19.Jan.2021:- Wasaaradda Caafimaadka Puntland iyo Hay’adda caalamiga ah badbaadada carruurta (Save the Children International) waxay daahfureen hageyaasha caafimaadka ee caawinta ilmaha si uu u noolaado/badbaado kuwaas oo loogu talagalay in loo isticmaalo (Every Newborn Action Plan- ENAP ) si loogu tababaro kadibna ay ku shaqeeyaan xirfadlayaasha caafimaadka ee fududeeya adeegyada dhalmada iyo daryeelka dhallaanka (more…)

06,Jan,2021:- Wasaaradda caafimaadka Puntland ayadoo hirgelinaysa siyaasadda Dowladda Puntland Ee Ku aadan daadajinta adeegyada bulshada, isla markaana la hirgelinayo awaamiirta xafiiska Madaxweyne Ku xigeenka Dowladda Puntland oo hormuud u ah Maamul daadajinta Dowladda Puntland ayaa Wasaaraddu dardargelisay tilaabooyin lagu xaqiijinayo daadajinta adeegyada Caafimaadka waxaana todobaadkaan magaalooyinka Boosaaso iyo Qardho tagay qaar kamid ah agaasimayaasha wasaaradda kuwaas oo kulamo lagu lafa gurayo sidii barnaamijka loo hirgelin lahaa la yeeshay Guddoomiyeyaasha degmooyinkaas, waxayna kawada hadleen siddii loogu wareejin lahaa rugaha Caafimaadka ee degmooyinkaas ku yaala.

27,Dec,2020:- Wasaaradda caafimaadka Puntland si ay ugudato waajibaadka ka saaran ilaalinta caafimaadka bulsho weynta soomaliyeed ee ka soo qaybgashay shirka machadka heritage ku qabnayso Garowe ayaa maanta baaritaan ku bilawday martida ka qaybgalaysa iyo kuwa gudaha Puntland ka imaanaya.

Garoowe: 09, December, 2020:

Madaxweynaha Dowladda Puntland Mudane Siciid Cabdullaahi Deni ayaa maanta kormeer shaqo ku yimid Wasaaradda Wasaaradda Caafimaadka. Wasiirka kuxigeenka wasaaradda Mudane Abdinaasir Yusuf Xaaji, agaasimaha guud iyo agaasimayaasha waaxyaha ayaa madaxweynaha ku soo dhaweeyay wasaaradda.

09,Dec,2020:- Waxaa maanta ka bilawday wasaaradda caafimaadka shirka maaraynta xogta caafimaadka, shirkaan oo socon doona labo maalmood ayaa la iskaga xog waraysanayaa xogta laga soo aruuriyay dhamaan deegaanada Puntland. Shirkaan oo saddex bilood mar la qabto ayaa la iskaga xog waraystaa guulaha laga gaaray xogtii la soo aruuriyay iyo caqabadaha jiray.

Ka dib markii dawladda puntland ay ka codsatay dawladda sweden in ay gacan ka gaysato wax qabashada arimaha caafimaadka gaar ahaan adeegga caafimaadka cisbitaallada puntland, markii madaxweynaha puntland uu safiirka la kulmay bishaan bilawgeedii.

Waxaa saaka wasaaradda caafimaadku qaabishay wafti ballaaran oo ka kooban safiirka sweden ee somalia, madaxda hay’adaha UNFPA, WHO, UNICEF,

Wasaaraddu waxay usoo bandhigtay wax qabadka caafimaadka, baahiyaha ka jira iyo sidii wax looga qaban lahaa.