Blog

𝐖𝐚𝐬𝐚𝐫𝐚𝐝𝐝𝐚 𝐜𝐚𝐚𝐟𝐢𝐦𝐚𝐚𝐝𝐤𝐚 𝐏𝐮𝐧𝐭𝐥𝐚𝐧𝐝 𝐚𝐲𝐚𝐚 𝐦𝐚𝐚𝐧𝐭𝐚 𝐤𝐚𝐥𝐚 𝐰𝐚𝐫𝐞𝐞𝐠𝐭𝐚𝐲 𝐔𝐍𝐈𝐂𝐄𝐅 𝐪𝐚𝐥𝐚𝐛 𝐥𝐨𝐨𝐠𝐮 𝐭𝐚𝐥𝐚𝐠𝐚𝐥𝐚𝐲 𝟏𝟐 𝐱𝐚𝐫𝐮𝐦𝐨𝐨𝐝 𝐨𝐨 𝐡𝐨𝐨𝐲𝐚𝐝𝐚 𝐢𝐲𝐨 𝐝𝐡𝐚𝐥𝐚𝐚𝐧𝐤𝐚 𝐚𝐡 𝐨𝐨 𝐥𝐚 𝐝𝐚𝐲𝐚𝐜𝐭𝐢𝐫𝐚𝐲 𝐤𝐮𝐧𝐚 𝐲𝐚𝐚𝐥𝐚 𝐠𝐨𝐛𝐨𝐥𝐚𝐝𝐚 𝐍𝐮𝐠𝐚𝐚𝐥 𝐢𝐲𝐨 𝐌𝐮𝐝𝐮𝐠.

28, June, 2020: Wasaaradda caafimaadka Puntland ayaa maanta kala wareegtay hay’adda UNICEF qalab loogu talagalay 12 xarumood oo hooyada iyo dhalaanka oo dib udayactir lagu sameeyay, xarumahaan ayaa ku kala yaala gobolada Nugaal iyo Mudug.

Xaashi Xirsi Muuse oo ka socday hay’adda UNICEF oo qalabaka wareejinayay ayaa sheegay in maanta ay wasaaradda ku wareejinayaan qalab loogu talagalay 12 xarumaha hooyada iyo dhalaanka ah oo la dayactiray, xarumahan ayaa lagu dayactiray dhaqaale ay bixisay wadanka Germalka waxaana la soo mariyay UNICEF, xarumaahaan ayaa ku kala yaala meelaha fog ee gobolada Nugaal iyo Mudug. (more…)

Agaasimaha guud wasaaradda caafimaadka oo ka warbixiyay xaladihii ugu danbeeyay Covid19

17, June, 2020: Dr Abdirisaaq Xirsi Xasan agaasimaha guud ee wasaaradda caafimaadka Puntland oo maanta xafiiskiisa kula hadlay xafiiska warbaahinta wasaaradda iyo Puntland Tv aya ka warbixiyay xaaladihii ugu danbeeyay ee Covid 19, agaasimaha ayaa sheegay in 5 maalmood ee lq soo dhaafay ay sara ukacday dadka laga helayo xanuunka ayna gaartay 54 qof, dadka xanuunka laga helay ayaan kala jooga dhamaan gobolada Puntland. (more…)

Wasaaradda caafimaadka Puntland oo maanta baaritaan iyo hubin ku samaysay dadka dib uga soo laabtay Dalka Hindia.

20, June, 2020: Wasaaradda caafimaadka dawlada Puntland ayaa maanta garoonka diyaaraddaha Gen.Mohamed Abshir hubin ugu sameeysay dad ka yimi India oo dib ugu soo gurya noqday dalka lana socday diyaarada Daallo.

Wasaarada ayaa ka hubinaysay dadka inay wataan warqada cadaynaysa in laga soo baaray lagana waayey safmareenka Covid19, dhamaan rakaabka diyaarada saaranna waxay u socdeen Puntland waxayna muddo ku xanibnaayen dalka India. (more…)

Agaasimaha Guud wasaaradda caafimaadka oo ka qaybgalay Baahinta Xeerka tirakoobka Puntland

08,June, 2020: Agaasimaha guud wasaaradda caafimaadka Puntland Dr Abdirisaaq Xirsi Xasan wasaaradda Qorshaynta kaga qaybgalay shaacinta xeerka tirakoobka Putland.

Xeerkaan ayaa looga arinsanayay helitaanka xogta Puntland kaas oo qayb ka qaadan doona ilaalinta iyo xifdinta xogta dadka Puntland, sidoo kale waxaa lagu salayn doonaa qorshaha 5sano iyo doorashooyinka qof iyo Cod ah ee la qaban doono. (more…)

Madaxweyne Siciid Abdulaahi Dani ayaa xusay in uu yaraaday dadka xanuunka laga helayo, balse ay ka dowlad ahaan indhaha ku hayaan inuu markale kor ukici karo sida caalamka uu ka samaynayo.Madaxweynaha ayaa xusay in dad ka badan 1000 qof oo xanuunka laga baaray Puntland laga helay 185 qof, ayna ugeeriyoodeen 6 qof, 16 qofna ay ka soo kabteen. (more…)

04,06,2020:Wasaaradda caafimaadka Dawlada Puntland ayaa maanta hay’adda World Vision kala wareegtay qalab loogu talagalay ka hortaga cudurka safmarka ah Covid19.

Agaasimaha guud wasaaradda Dr Abdirisaaq Xirsi Xasan oo ay weheliyaan qaar kamid ah agaasimayaasha waaxyaha ayaa kala wareegay qalabka, waxaana agaasimaha uu uga mahadceliyay hay’adda World Vision qalabkaan loo baahnaa ee ay maanta ukeeneen. (more…)

31,05,2020: Wasaaradda caafimaadka Dawlada Puntland ayaa maanta qalab looga hortagayo xanuunka Covid19 kala wareegtay shirkada ganacsiga Da’uus.

Masuuliyiinta wasaaradda oo madasha qalabka lagu wareejinayay joogay ayaa soo dhaweeyay shirkada Da’uus iyo qalbka muhiimka ah ee waqtiga loo baahnaa ay soo gaarsiiyeen wasaradda. (more…)

Wasaaradda caafimaadka iyo garsoorka Puntland oo isla meeldhigay talaabooyinka caafimaad ee la raacayo si dib loogu furo adeega maxkamadaha.

30, May, 2020: Waxaa maanta shir ku wada yeeshay xarunta wasaaradda caafimaadka Puntland masuuliyiinta wasaraadda iyo garsoorka Puntland, waxaana laga wada hadlay talaabaaoyinia caafimaad ee lagu yaraynayo khatarta cudurka COVID-19 si dib loogu bilaabo adeega maxkamadaha oo bulshada reer Puntland muhiimad joogto ah u leh. (more…)

Guddiga wacygelinta ee Covid-19 ayaa maanta kulan ku yeeshay xarunta Wasaaradda Caafimaadka ee Garoowe, waxaan kulanka kaga hadalnay waxyaabaha Guddiga uga qabsoomay Qorshihii shaqo ee aan dejisanay, hirgelinta bandowga , isu socodkii dadka, joojinta Qaadka iyo xirista Goobaha dadka isugu yimaadaan, maadaama xaaladdo Covid-19 ah laga sheegay Muqdisho, waxaan ku dadaalaynaa in aan sii laba jibaarno dadaalka ay wada jirka u wadaan Guddiga Guud ee wacygelinta iyo ka hortagga Coronavirus. Guddigu wuxuu isla gartay in kulamo lala qaato Culimada, Nabadoonada iyo Ganacsatada si ay doorkooda uga qaataan wacyigelinta, una hirgeliyaan waxyaabaha iyaga ka khuseeya awaamiirta bandowga iyo xiritaanka goobaha la isugu yimaado.

17April,2020: Kusimaha agaasimaha Guud ahna agaasimaha waaxda caafimaadka asaasiga ah Abdirisaaq Abshir Xirsi oo uu weheliyo agaasimaha waaxada caafimaadka Guud Dr. Ali Dhuux Diiriye ayaa maanta kormeer iyo inay soo arkaan ku geeyay xarunta karantiilka ee lagu hayo dadka looga shakiyo xanuunka Covid19. Gudoomiyaha Guddiga Dhakhaatiirta ee wasaaradda kala shaqaynaya xanuunka Covid19 Dr Cartan ayaa mid mid ugalay qaybaha kala duwan ee xaruntu ka koobantahay.

Kadib marka uu soo dhamaystay booqashadiisa ayuu warbixin kooban la wadaagay agaasimayaasha waxaana ugu horayn wasaaradda uu ku bogaadiyay shaqada wangsan ee ay qabteen, sida inta badan qalabkii loogu baahnaa ay udhigeen xarunta iyo sida adeegyada usiinayaan dadka xaruntaan ku jira.

Waxaa sidoo kale Dr Cartan uu agaasimayaasha la wadaagay waxyaabo ubaahan farsamo ahaan in la sii hormariyo.

Xarunta oo ay ku jiraan hada 3 qof oo looga shakisanyahay xanuunka ayuu Dr Cartan xaaladooda ka waraystay dhaakhaatiirta xarunta ka shaqeeya.

Agaasime Abdirisaaq ayaa Dr Cartan iyo guddiga dhakhaatiirta ee ka shaqaynaya xanuunka ku amaanay sida ay kaalintooda uqaadanayaan, waxaana uu sheegay inay ka wasaaradd ahaana horumarin doonaan siday tahayna uqaadan doonaan talooyinka ay dhaqaatiirtu usoo jeediyeen.

Xaruntaan ayaa ka mid ah ilaa 12 xarumood oo wasaaradda caafimaadku ka hirgalisay gobolada kala duwan ee Puntland ayna udhamaystiranyihiin qalabkii ugu mihiimsana ee goobahaas looga baahnaa.