Wasiiru-dowlaha Wasaaradda ahna kusimaha wasiirka wasaaradda caafimaadka DPL Mudane Axmed Sheekh Faarax ayaa maanta xarunta dhexe ee wasaaradda ku soo dhoweeyey wasiirka Gargaarka iyo Musiibooyinka DPL Marwo Ubax Cabdirashiid Xirsi oo booqasho ku timid wasaaradda caafimaadkal
Garowe: November 13,2024:-Wasiiru-dowlaha Wasaaradda ahna kusimaha wasiirka wasaaradda caafimaadka DPL Mudane Axmed Sheekh Faarax ayaa maanta xarunta dhexe ee wasaaradda ku soo dhoweeyey wasiirka Gargaarka iyo Musiibooyinka DPL Marwo Ubax Cabdirashiid Xirsi oo booqasho ku timid wasaaradda caafimaadkal
Wasiir Ubax Cabdirashiid iyo koox farsamo oo wehelinayay ayaa wasaaradda la wadaagay in booqashadoodu daarnayd sidii wasaaradda caafimaadku talooyinka ugu biirin lahayd siyaasada maaraynta musiibooyanka oo diyaarinteeda gacanta lagu hayo madaama inta badan wasaaradda ay ka shaqayso hawlaha caafimaadka iyo cudurada.
Wasiiru dawlaha Mudane Ahmed Sheekh Farax ayaa uga mahadceliyay wasiirka booqashada ay ugu timid waxaana uu balan qaaday inay wasaaradda caafimaadku ka shaqayn doonto kaalinteedana ka qaadan doonto sidiii ay wax ugu dari lahayd siyaasada maaraynta musiibooyinka oo gacanta lagu hayo.
Wasiirudawlaha waxaa shirka kala qaybgalay agasimaha qorshaynta wasaaradda caafimaadka Idiris Abdulaahi Mohemd iyo qaar kamid ah madax qaybeedyada wasaaradda caafimaadka.
DHAMMAAD-
XAFIISKA WARFAAFINTA WASAARADDA CAAFIMAADKA DOWLADDA PUNTLAND
