Wasiirka wasaaradda caafimaadka Dowladda Puntland Siciid Jaamac Qorsheel oo ka mid ah wefti isugu jira golaha xukuumada iyo golaha barlamaanka uuna hogaaminayo Guddoomiyaha Golaha Wakiilladda Dowladda Puntland Mudane Cabdirisaaq Axmed Siicid ayaa lagu soo dhoweeyay Degmadda Xiingalool ee Gobolka Sanaag.

Wasiirka wasaaradda caafimaadka mudane Siciid Jamac Qorsheel oo tan iyo markii la magacaabay safar ku maraya gobolada Haylaan iyo Sanaag ayaa qiimayn doona xalaada caafimaadka waxaana uu kormeeri doonaa inta uu joogo degmadda Xingalool xarumaha caafimaad, si uso arko shaqada ka socota ulana kulmo shaqaalaha caafimaadka degmadda.

Wasiirka aya labadii bilood ee la soo dhaafay safaro uu ku qiimaynayo guud ahaan xalaada caafimaadka Puntland ku tagay gobolada Nugaal iyo Mudug.

Safarka wasiirka waxaa qayb ka ah agaasimaha Qorshaynta wasaaradda caafimaadka Puntland mudane Idiris Abdulaahi Mohamed.

DHAMMAAD-

XAFIISKA WARFAAFINTA WASAARADA CAAFIMAADKA DOWLADDA PUNTLAND.