Wasiirka wasaaradda caafimaadka Dowladda Puntland Mudane Siciid Jaamac Qoorsheel ayaa maanta xarunta dhexe ee wasaaradda caafimaadka ka dhagax dhigay xarun loogu tala galay howlgalada degdegga ah ee cafimaadka guud ee dadweynaha Puntland (PHEOC)
Garowe: 25 Sep 2024:- Wasiirka wasaaradda caafimaadka Dawladda Puntland Mudane Siciid Jamac Qorsheel ayaa maanta xarunta dhexe ee wasaaradda caafimaadka ka dhagax dhigay xarun loogu tala galay howlgalada degdegga ah ee cafimaadka guud ee dadwaynaha Puntland (PHEOC)
Xarunta ayaa ka shaqayn doonta sidii loola socon lahaa loogana jawaabi lahaa xaaladaha degdeg ah, waxaana wax badan ka badali doonaa shaqadii horay usocotay iyo guud ahaan waaxda caafimaadka guud.
Wasiirka dhagax dhiga kadib xafiiskiisa kulan kula qaatay madax ka socotay eHealth Africa oo uu hogaaminayo Sodipe Oluwaseun madaxa hawlgalka Africa uuna wehelinayo Harun oo madaxa eHealth Soomaaliya, waxaana looga hadlay sidii kor loogu qaadi lahaa wadashaynta iyadoo lagu dhex shaqaynayo siyaasada wasaaradda caafimaadka Puntland.
Wasiirka waxaa kala qaybgalay lataliyaha madaxweynaha caafimaadka Dr Abdirahmaan Siciid Gacamey iyo agaasimaha qorshaynta, kusimaha agaasimaha caafimaadka asaasiga ah.
DHAMMAAD-
XAFIISKA WARFAAFINTA WASAARADA CAAFIMAADKA DOWLADDA PUNTLAND.
