Wasiirka wasaaradda caafimaadka Dowladda Puntland Mudane Siciid Jaamac Qoorsheel ayaa ku weheliyey Guddoomiyaha golaha wakiilada DPL Cabdirisaaq Axmed Siciid iyo wasiiradda wasaaradda Dhallinyarada iyo Ciyaaraha DPL. Marwo Hodan Saciid Xasan xiritaanka horyaalka heerka kowaad ee kubadda cagta gobolka Haylaan kaas oo ka dhacay garoonka kubadda cagta ee Dhahar.

Horyaalkan oo ay ka qayb galeen 6 kooxood kuwaas oo ka dhisan gobolka Haylaan ayaa wada ciyaaray kulamo iswada arag ah ayaa waxaa kulanka finalka iskugu soo haray kooxaha Horseed FC iyo Bilcil FC tartankan oo mudooyinkii u danbeeyey ka soconaayey xarunta gobolka Haylaan ee Dhahar ayaa gabagabadiisi waxaa ka qaybgalay masuuliyiinta ugu saraysa Puntland iyo boqolaal tageerayaal ah kulankan ayaa kusoo dhamaadaya 1 : 1 iyadoo ugu danbayntii laysla aaday rikoorayaal halkaas oo ay guusha ku raacday kooxda Bilcil Fc.

ugu danbayntii Wasiiradda Wasaaradda Hodan Saciid Xasan iyo Madaxdii kale ee ka qayb galay ayaa abaal marino gudoon siiyey cid walba oo ka qayb qaadatay habsami socodka horyaalka, garsoorayaasha, guulaystayaasha, ciyaartoyda iyo kooxdii hanatay horyaal nimada koobka horyaalka heerka kowaad ee gobolka Haylaan.

Xiritaanka koobkan ayaa waxaa goob joog ahaa qayb kamida labada gole ee xukuumada, Lataliyaha arimaha Ciyaaraha Madaxwaynaha, Xiriirka kubada cagta Puntland, Saraakiil, Madaxda Gobolka Haylaan iyo kan degmada Dhahar, Agaasimaha waaxda Ciyaaraha iyo Boqolaal Shacab ah.

 

DHAMMAAD-

XAFIISKA WARFAAFINTA WASAARADA CAAFIMAADKA DOWLADDA PUNTLAND.