Wasiirka Wasaaradda caafimaadka Dowladda Puntland Mudane Siciid Jaamac Qoorsheel ayaa ka qaybgalay, munaasabadda xiritaanka xuska Todobaadka Naas-nuujinta Adduunka 2024.

Kulankaan oo ay ka qaybgaleen wasiiradda haweenka iyo daryeelka Bulshada iyo haweenka aqoonyahanka ah ayaa loogu talagalay in lagu taageero muhiimada naasnuujintu uleedahay caafimaadka ilmaha iyo koriimadiisa.

Wasiirka oo hadal ka jeediya ayaa bogaadiyay in dumarka aqoonyahanka ah iyo hay’addaha caalamiga ah iyo kuwa maxaliga ah iskugu yimaadan kagana hadlaan muhiimada naasnuujinta iyo sidii kor loogu qaadi lahaa wacyigalinta hooyooyinka soomaliyeed loona fahansiin lahaa naasnuujinta baraxtiran ee ilmaha inay siiso awood maskaxdeed iyo mid caafimaadba. Wasaaradda caafimaadka ahaana inay ka go’antahay in la sii wado lagana shaqeeyo ee aysan ku koobnaan todobaadkan.

     

DHAMMAAD-

XAFIISKA WARFAAFINTA WASAARADDA CAAFIMAADKA DOWLADDA PUNTLAND.