14
Sep
Wasiir kuxigeenka wasaaradda caafimaadka Dr Cabdirashiid Xasan oo ay weheliyeen wasiir Cabduqaadir Warsame wasiiru dowlaha cadaaladda Puntland iyo xildhibaano ayaa booqday xarunta Wasaaradda Caafimaadka ee gobolka Mudug.
Gaalkacyo: 12 Sep, 2024: Wasiir kuxigeenka wasaaradda caafimaadka Dr Cabdirashiid Xasan oo ay weheliyaan wasiir Cabduqaadir Warsame wasiiru dowlaha cadaaladda Puntland iyo xildhibaan Cabdirisaaq Takar, xildhibaan Mowliid Abuukar Abkay ayaa booqday xarunta Wasaaradda Caafimaadka ee gobolka Mudug. Booqashadan ayaa qayb ka ahayd dedaallada joogtada ah ee lagu qiimeynayo xaaladda caafimaad iyo adeegyada bulshada ee ka jira gobolka.
Wasiir kuxigeen Dr Cabdirashiid ayaa warbixin ka dhegaystay isuduwaha Cabdinaasir ayna wehelinayeen masuuliyiinta kale ee wasaaradda caafimaadka gobolka waxaana uu ka hadlay shaqada ka socota gobolka iyo caqabadaha jira. Wasiirka ayaa la wadaagay dadaalka socda ee lagu horumarinayo caafimaadka Puntland gaar ahaan gobolka Mudug waxay adkeeyeen muhiimadda ay leedahay in la xoojiyo adeegyada caafimaadka ee gobolka si loo gaaro ujeeddooyinka caafimaadka ee Puntland.
DHAMMAAD-
XAFIISKA WARFAAFINTA WASAARADA CAAFIMAADKA DOWLADDA PUNTLAND.
