WASAARADDA CAAFIMAADKA DOWLADDA PUNTLAND OO MAGAALADA BADHAN KA DAAHFURTAY MASHRUUC CUSUB EE TALLAALADA JOOGTADA AH.
Badhan 20 March 2025: Wasaaradda Caafimaadka Dowladda Puntland oo Kaashanaysa Hay’adda Badbaadada Caruurta (Save the Children) ayaa Magaaladda Badhan ee Gobolka Sanaag ka daahfurtay
Mashruuca tallaalada oo ka Shaqayn doona Lix (6) Degmo oo Puntland ku yaala oo kala ah Badhan, Dhahar, Iskushuban, Caluula, Bender-bayla iyo Gaalkayo kasoo ay kasoo qayb galeen madax ka socota xarunta dhexe ee Wasaaradda Caafimaadka, maamulka Caafimaadka gobolka Sanaag, Hay’adda Save the children, Maamulka Gobolka Sanaag, dhaqaatiir, ururada haweenka iyo dhalinyaradda iyo qaybaha kala duwan ee Bulshadda.
Mashruucu wuxuu xooga saari doonaa baahinta adeegyadda Talaalka iyo kor u qaadida qaadashada Tallaalka ee Ilmaha siiba ku tallaalka seegay (Zero Dose Children), dumarka ku jira xiligga dhaqmaadka iyo tallaalka khaaska ah ee dadka Waawayn sida COVID-19 taasoo logo gol leeyahay in kor loo qaado adeeg bixinta Caafimaadka iyo gaarista goobaha durugsan sida tuulooyinka fog fog iyo reer guuraaga.
Xogyaha Dowladda Hoose ee Degmadda Badhan oo kulanka Furay iyo Iskuduwaha Wasaarada Caafimaadka ee Gobolka Sanaag oo Goobta ka hadashay kadib, Cabdirisaaq Abshir Xirsi (Garwayne) Agaasimaha Caafimaadka Asaasiga ah ee Wasaaradda Caafimaadka Puntland ayaa faah-faahiyay muhiimadda mashruucaan u leeyahay kor u qaadida adeeg bixinta talaalka si gaar ah iyo Caafimaadka guud wuxuuna sheegay in wax wayn ka tari doono gaarista dad badan oo u baahan adeegyadda Caafimaadka.
DHAMMAAD
XAFIISKA WARFAAFINTA WASAARADDA CAAFIMAADKA DOWLADDA PUNTLAND.
