Wasaaradda caafimaadka Dowladda Puntland oo maanta magaalada Boosaaso ka dhagax dhigtay xarunta caafimaadka Fardows.

Boosaaso, Nov, 22, 2021: Wasaaradda Caafimaadka dawlada Puntland ayaa maanta magaalada Boosaaso ka dhagax dhigay xarun caafimaad oo loogu talagalay inay adeeg caafimaad oo dhamaystiran ka helaan.

Agaasimaha guud wasaaradda caafimaadka Dowlada Puntland iyo ku xigeenka guddoomiyaha degmada Boosaaso ayaa si wada jir ah u dhagax dhigay xarunta caafimaad, xaruntan ayaa waxaa dhismaheeda maalgelinaya hay’adda Qatar Charity halka ay fulinayso Ha’yadda Khayriga ah ee Tadaamun.

Agaasimaha guud ee wasaaradda Dr- Cabdirisaaq Xirsi Xasan oo hadal ka jeediyay dhagax dhigga ayaa sheegay:-

“ Waxaan ku faraxsanahay inaan maanta xaafada Fardows ka dhagax dhigno xarun caafimaad oo laga dhisi doono, taasoo loogu talagalay in adeeg dhamaystiran siiso bulshada xaafadda deggan iyo guud ahaan magaalada Boosaaso, Xaruntaan ayaa qayb ka ah qorshaha ay wasaaraddu mustaqbalka dhow ku doonayso in xaafad kasta laga helo xarun caafimaad oo laga helayo adeega loo baahanyahay.”

“Waxaan uga mahadcelinayaa maamulka degmada ka soo qaybgalay dhagax dhiga xaruntan sidoo kale waxaan uga mahadcelinayaa hay’adda Qatar Charity oo maalgelinaysa iyo hay’adda fulinaysa ee Tadaamun.”

DHAMMAAD-

XAFIISKA WARFAAFINTA WASAARADDA CAAFIMAADKA DOWLADDA PUNTLAND.