Maamulka wasaaradda caafimaadka Gobolka Mudug ayaa maanta qado sharafeed u sameeyey wefdiga wasiirka wasaaradda Siciid Jaamac Qoorsheel iyo wasiiru-dowlaha wasaaradda mudane Axmed sheekh Faarax oo safar shaqo u jooga magaalada Gaalkacyo.

Isuduwaha wasaaradda caafimaadka gobolka Mudug Cabdinaasir Sheekh Axmed, Xirsi Xuseen Nuur Kuxigeenka isuduwaha gobolka, Maryan Xuseen Cali madaxa caafimaadka asaasiga ah ee gobolka iyo agaasimaha Isbitaalka Dr Saadiq Maxamuud Adan iyo qaar kamid ah shaqaalaha wasaaradda iyo Maamulka isbitaalka ayaa ka qaybgalay. Abdinaasir ayaa sheegay in kulanka uu ahaa is barasho iyo soo dhawayn hogaanka cusub ee wasaaradda caafimaadka oo markii ugu horaysay gobolka yimid.

Wasiirka Siciid Jamac Qorsheel ayaa maamulka wasaaradda caafimaadka gobolka Mudug uga mahadceliyay soo dhawaynta iyo martiqaadka, waxaana uu xusay inay inta ay joogaan mari doonaan xarumaha caafimaadka si ay usoo arkaan shaqada ka socota sidoo kale ay la wadaagi doonaan qorshayaasha horutabinta uleh.

DHAMMAAD-

XAFIISKA WARFAAFINTA WASAARADA CAAFIMAADKA DOWLADDA PUNTLAND.