Agaasimaha Caafimaadka Asaasiga ah Mudane Cabdirisaaq Abshir Xirsi ayaa kormeer ku sameeyay xarumaha caafimaadka Hooyada iyo Dhallaanka ee magaalada Badhan (MCH)

Agaasimaha waxaa kormeerka ku wehelinayay Isuduwaha Wasaaradda Caafimaadka gobolka Sanaag Dr- Faatima Ibraahim, iyo saraakiil ka socda hay’adda Save The children.

Xarumaha Caafimaadka Hooyada iyo Dhallaanka ee uu agaasimaha maanta kormeeray waxaa kamid ah, xarunta Geeldoora, xarunta Iftin ee ku Yaala Badhan iyo iyo kooxda Talaalka Banaan u baxa (EPI Outreach team) oo ka shaqaynaya Magaaladda Badhan iyo Nawaaxigeeda.

Ugu dambayn, agaasimaha Abdirisaaq Abshir ayaa sheegay in dhammaan xarumaha caafimaad ee uu maanta booqday ay ka socoto shaqo wanaagsan, waxaana uu kula dardaarmay maamulka iyo shaqaalaha xarumahaasi inay sii laba jibaaraan shaqada ay bulshada u hayaan, waxa uu tilmaamay inuu yaqiinsan yahay in shaqaalahaasi qaarkood ku shaqeeyaan xaalado adag.

DHAMMAAD-

XAFIISKA WARFAAFINTA WASAARADDA CAAFIMAADKA DOWLADDA PUNTLAND.