27
Jul
Wasiirka wasaaradda caafimaadka Dowladda Puntland Siciid Jaamac Qoorsheel oo ka mid ah wefdiga madaxweynaha dowladda Puntland Siciid Cabdulaahi Deni ayaa safar shaqo ku maraya degmadda Godobjiiraan ee gobolka Nugaal ayaa booqday xarumaha caafimaadka deegaanka Warguduud
27-July-2024:- Wasiirka wasaaradda caafimaadka Dowladda Puntland Siciid Jaamac Qoorsheel oo ka mid ah wefdiga madaxweynaha dowladda Puntland Siciid Cabdulaahi Deni ayaa safar shaqo ku maraya degmadda Godobjiiraan ee gobolka Nugaal ayaa booqday xarumaha caafimaadka deegaanka Warguduud, halkaas oo uu wasiirku madaxweynaha uga warbixiyey xarunta iyo shaqaalaha ka shaqeeya dhamaan agabkii looga baahnaanay ay u dhamaystiranyihiin.
Wasiirka ayaa ballan qaaday in waxyaabaha ka dhiman oo ay ka mid tahay baabuurta gargaarka degdegga ah oo lagu soo kordhin doono sidaas oo kale laga shaqayn doona in la sii hormariyo xaruntaan.
Madaxweynaha Siciid Cabdulaahi Deni ayaa ku bogaadiyey wasaaradda caafimaadka Puntland shaqada wanaagsan ee ay ka qabatay deegeenka Warguduud iyo guud ahaan deegaamada fogfog waxaana uu xusay in dowladda uu hogaamiyo ay ka go’antahay horumarinta iyo gaarsiinta adeegyada bulshada meelaha laamiga ka baxsan.
DHAMMAAD-
XAFIISKA WARFAAFINTA WASAARADA CAAFIMAADKA DOWLADDA PUNTLAND.
