Wasiirka Wasaaradda Caafimaadka Dowladda Puntland Mudane Siciid Jaamac Qoorsheel ayaa maanta kormeer ku tegey cisbitaalka hooyada iyo dhallaanka Gol-Nugaal ee magaalada Garoowe.

Agaasimaha cisbitaalka Dr Qabuul Isse ayaa wasiirka ku soo dhawaysay waxayna kulan kooban oo ay ku wada qaateen xafiiska maamulka warbixin ka siiyay shaqada ka socota cisbitaalka adeegyada laga bixiyo oo u badan caafimaadka hooyada iyo dhalaanka.

Wasiirka ayaa kormeeray qaybaha uu ka koobanyahay waxaana uu so arkay shaqada socota iyo bukaanada adeega usoo doontay oo kula kulmay.

Ugu danbeyn wasiirka ayaa ku amaanay maamulka cisbitaalka shaqada ka socota iyo adeegyada caafimaad ee lacag la’aanta ah ee laga bixiyo, iyadoo uu ku dhexyaalo meel ay daganyihiin dad danyar ah iyo barakacayaal iskugu jira, waxa uu kula dardaarmay inay shaqada sii laba jibaraan ka wasaaradda caafimaad ahaana ay la socon doonaa.

DHAMMAAD-

XAFIISKA WARFAAFINTA WASAARADDA CAAFIMAADKA DOWLADDA PUNTLAND.