Agaasimaha guud ee wasaaradda caafimaadka Puntland oo furay tababar loo qabtay madaxda xogta caafimaadka iyo kuwa tallaalada ee dhammaan dowladdaha xubnaha ka ah dowladda Federaalka Soomaaliya.
Agaasimaha guud ee wasaaradda caafimaadka Puntland oo furay tababar loo qabtay madaxda xogta caafimaadka iyo kuwa tallaalada ee dhammaan dowladdaha xubnaha ka ah dowladda Federaalka Soomaaliya.
Garowe, Jan,10,2022:- Waxaa saakay ka furmay xarunta dhexe ee wasaarada caafimaadka Puntland tababar kor loogu qaadayo d dhanka Excel sheetka, tababarkaan oo ay ka soo qaybgaleen madax ka socota wasaaraddaha caafimaadka dowladda federaalka iyo dowladaha xubnaha ka ah dowladda Federaalka, waxaanu soconayaa 4 maalmood.
Madaxa HIMS ka wasaaradda Cabdirisaaq Cartan oo furitaanka ka hadlay ayaa xusay in tababarkan oo socon doona dhowr cisho waxaanu muhiim u yahay shaqo maalmeedka wasaaradda caafimaadka heerarka kala duwan.
Bete oo kamid ah tababarayaasha ayaa sheegtay inay bogaadinayso soona dhoweyneyso martigelinta tababarkan ee wasaaradda caafimaadka Puntland waxayna ka soo qaybgalayaasha kula dardaarantay inay sida ugu wanaagsan u qaataan casharada uguna faa’iidaystaan.
Dr. Cabdirisaaq Xirsi Hassan agaasimaha guud ee wasaaradda caafimaadka waxaan ugu horayn idinku soo dhowaynayaa wasaaradda caafimaadka Puntland waxaan sidoo kale ku faraxsanahay in tababar noocaan oo kale ah loo qabto shaqaalaha wasaaraddaha caafimaadka kaasoo lagu siyaadinayo awooda shaqaalaha caafimaadka, waxaana tababarkan loo doortay in la helo xogta tallaalka oo saxan taas ayaa keentay in qolada federaalka loo qaatay ay xoojiyaan helitaanka xogta.
Waxaan ku faraxsanahay inaad qaadanaysaan bilawga sida loo isticmaalayo xogta iyo ku xiritaanka qaybta xogta ehelka u ah
Tababarkaan waxa uu xooga saarayaa labada qaybood ee helitaanka xogta iyo qolada ka shaqaysa tallaalka
Waxaan rajaynaya inaad maalmaha tababarkaan socdo aad sida ugu wanaagsan uga faa’iidaysataan hadhowna aad ku shaqaysaan sida ugu wanaagsan waxaan sido kale ku kalsoonahay macallimiinta casharada bixinaysa oo aan ogahay aqoontooda iyo khibradooda.
DHAMMAAD-
XAFIISKA WARFAAFINTA WASAARADDA CAAFIMAADKA DOWLADDA PUNTLAND.
