Wasiirka Wasaaradda Caafimaadka Dowladda Puntland Mudane Siciid Jaamac Qorsheel ayaa maanta xafiiskiisa ku qaabilay wefti ka socday Hay’adda UNICEF oo ay hogaaminayso Madaxda Xafiiska Puntland.

Wasiirka Wasaaradda Caafimaadka Dowladda Puntland Mudane Siciid Jaamac Qorsheel ayaa maanta xafiiskiisa ku qaabilay wefti ka socday Hay’adda UNICEF oo ay hogaaminayso Madaxda Xafiiska Hay’adda ee Puntland.

Kulanka ayaa looga wada hadlay shaqooyinka ka socda Puntland ee dhanka caafimaadka ah ee ay wada wadaan wasaaradda iyo Unicef, waxaana xooga lagu saaray qorshayaasha sanadka 2025 iyo hawlaha kale ee horutabinta leh.

Edith Kabui Madaxa hay’ada UNICEF Puntland ayaa uga mahadcelisay wasaaradda caafimaadka wada shaqaynta wanaagsan ee ka dhaxaysa waxayna balan qaaday inay dhankeeda sii laba jibaari doonaan, waxayna wasaaradda ku amaantay horumarka dhinacyada badan ah ee ay gaartay iyo sida hagar la’aanta ah ee bulshada adeega caafimaad loo gaarsiiyo.

Wasiirka waxaa kulanka ku wehelinayay Agaasimaha Guud iyo qaar kamid ah agaasimayaasha wasaaradda iyo saraakiil kale.

DHAMMAAD

XAFIISKA WARFAAFINTA WASAARADDA CAAFIMAADKA DOWLADDA PUNTLAND