wasiirka wasaaradda caafimaadka Dowladda Puntland Mudane Siciid Jaamac Qoorsheel ayaa maanta ka qaybgalay Shirweynaha wadatashiga wax ka bedelka Siyaasadda maareynta musiibooyinka Puntland

Wasiirka oo kalmad ka jeediyay ayaa yiri:-

“ Waxaan aad ugu faraxsanahay inaan kala soo qaybgalo Wasaaradda Gargaarka iyo Maareynta Musiibooyinka Dowladda Puntland Shir-weynaha wadatashiga wax ka bedel-ka Siyaasadda maareynta musiibooyinka Puntland, waxaan u arkaa inay tahay muhiim in siyaasad cad oo diyaarsan laga yeesho musiibooyinka inta badan dalkeena ku soo noqnoqonaya, wasiirka ayaa xusay in wasaaradda caafimaadka ay la mataanaysantahay wasaaradda gargaarka ama qaybta ugu muhiimsan ay ka tahay.”

“ Wasiirka ayaa sheegay inay diyaar uyihiin ka wasaaradda caafimaadka ahaan inay si dhaw ugala shaqeeyaan wasaaradda gargaarka waxkasta oo ay ubaahanyihiin iyo sidii loo soo saari lahaa siyaasad cad.”

Shirka waxaa wasiirka ku wehelinayay kusimaha agaasimaha qorshaynta Idiris Cabdulaahi Maxamed iyo madaxa qaybta duumada wasaaradda caafimaadka Dr Cabdikariin Xuseen Xasan.

 

DHAMMAAD-

XAFIISKA WARFAAFINTA WASAARADA CAAFIMAADKA DOWLADDA PUNTLAND.